Ndeshja mes Shqipërisë dhe Serbisë e cila u luajt të shtunën ishte e para në tokën shqiptare, që “Tifozat Kuq e Zi”, nuk morën pjesë për ta përkrahur kombëtaren.

Ani pse më e rëndësishmja që nga themelimi i tyre 21 vjet më parë, Federata Shqiptare e Futbollit vendosi të mos i pajisë me bileta për këtë ndeshje, shkruan Arbresh.info.

Pa bileta mbeten edhe të gjitha tifogrupet që e përcjellin kombëtaren në mënyrë të organizuar.

Sot përmes një postimi në rrjetin social Facebook, TKZ reagoi ashpër FSHF-së.

“Shkoi edhe kjo ndeshje. “Miqësorja më e shikuar në histori”, siç u mburrën miqtë e shkijeve në FSHF. U kënaqën të gjithë: shkijet, agjencitë turistike që grabitën biletat, VIP-at që “fituan” në shortin tuaj magjik, e mbi të gjitha arka juaj, që u mbush si kurrë më parë”, shkruhet fillimisht.

Ata thanë se marrin përsipër edhe cdo gjë që vjen për simbolin e UÇK-së.

“Sa për simbolin e UÇK-së, ua përsërisim: ne, Tifozat Kuq e Zi, marrim përsipër çdo gjobë që mund t’ju vendoset për të. Dërgoni faturat që sot. Pra, flamurin e UÇK-së nuk do t’a ndalni kurrë! As ju, as miqtë tuaj në beograd, e askush në këtë planet. E kemi shpalosur në çdo ndeshje të Kombëtares tash e 21 vite, dhe njejtë do të veprojmë edhe nesër në Riga, e në ndeshjet e rradhës. Të shtunën u futëm në stadium vetëm për këtë gjë. Pasi arritëm qëllimin dhe shpalosëm flamurin e UÇK-së, lëshuam përsëri stadiumin. Ju sfidojmë të na ndalni”, shkruhet më tej.

KY ËSHTË REAGIMI I PLOTË: